Mozaik Education-ийн боловсруулсан mozaLog ангийн цахим бүртгэл нь сургуулийн ажилтнуудад бүртгэлийн болон зохион байгуулалтын ажлын аль алинд нь дундын нэг интерфейс ашиглах боломжийг олгодог боловсролын мэдээллийн систем юм. mozaLog-ийг ашигласнаар уламжлалт цаасан дээр суурилсан ангийн бүртгэлийг хөтлөх маш их ачаалалтай, нүсэр ажиллагааны шаардлагагүй болно.
Туршиж үзнэ үү
Сургуулийн цахим бүртгэлд хандах эрхийг доор жагсаасан хэрэглэгчдийн түвшинд олгоно.
mozaLog-ийн демо хувилбарыг бүх хэрэглэгчийн түвшинд туршиж үзэх боломжтой боловч зарим функцийг зөвхөн бүрэн хувилбарт ашиглах боломжтой.
Багш
Захирал
Эцэг эх
Сурагч
Администратор
Сонголтоор багшийн эрхтэй ч байж болно
Хүүхдийн сургуулийн мэдээлэлд хандах:
Сонголтоор багшийн эрхтэй ч байж болно
mozaLog демогийн хэрэглэгчийн интерфэйс болон цэсийг сонгосон хэлээр харуулдаг. Сурагчдын нэр болон хичээлийн нэр гэх мэт агуулга нь зөвхөн загвар бөгөөд иймээс эдгээр нь англи хэл дээр гарах болно.
Яагаад mozaLog-ийг сонгох хэрэгтэй вэ?
Цахим бүртгэлийг интернетэд холбогдсон ямар ч компьютер, таблет эсвэл ухаалаг гар утаснаас ашиглах боломжтой. mozaLog ашиглахын тулд нэмэлт програм суулгах шаардлагагүй, танд вэб хөтөч байхад л хангалттай.
Өргөн зурвасын серверүүд нь сургуулийн цахим бүртгэлийн үйл ажиллагааг өдрийн 24 цагийн турш хангадаг бөгөөд ингэснээр mozaLog-ийг интернетээр олон мянган хүн нэгэн зэрэг ашиглах боломжтой.
mozaLog нь багш нарын өдөр тутмын бичиг цаасны ажлын ачааллыг бууруулахын зэрэгцээгээр байгууллага дотроо болон эцэг эхчүүдтэй харилцах үр дүнтэй хэрэгсэл болох юм. Хэрэглэгчийн интерфейс нь хэрэглэхэд хялбар бөгөөд компьютерийн үндсэн мэдлэгээс өөр зүйл шаардахгүй.
Програмын аюулгүй үйл ажиллагааг mozaLog мэдээллийн сангийн өдөр тутмын нөөц хуулбарыг үүсгэх чадвартай мэргэжлийн хүмүүс хянадаг.
Харилцаа холбоо
mozaLog нь сургуулийг ажиллуулагч байгууллага болон үүнд холбогдох байгууллагууд, мөн сургуулийн удирдлага, багш, сурагчид, эцэг эхчүүдийн хооронд шууд, өндөр түвшний харилцаа холбоо тогтоох боломжийг олгодог.
Бүх бүртгэл ба төлөвлөсөн даалгаврын хуваарийг хянан мөрдөхөд хялбар болно. Удирдах байгууллага болон тэдгээрт хамаарагдах бүх сургуулиудын хооронд онлайн холбоог үр дүнтэйгээр тогтоон ажиллах боломжтой.
Сургуулийн цахим бүртгэл нь зохион байгуулах болон бүртгэлийн ажлыг хялбарчлах, харилцаа холбоог хөнгөвчлөх зорилготой бөгөөд ингэснээр боловсролын тогтолцоог илүү сайн, үр дүнтэйгээр ажиллуулах, боловсролын чанарыг сайжруулахад хувь нэмэр оруулах болно.
Цахим бүртгэлийн тусламжтайгаар удирдах байгууллага нь багш нарын хувийн болон ажлын тухай мэдээлэл, сурагчдын тоо, бүрэлдэхүүн, сурлагын ахиц дэвшил, хичээл таслалтын талаар үргэлж шинэ мэдээллийг авч чаддаг.
Өдөр тутмын администрац, дүн, таслалтууд
Энэхүү систем нь багш нарт орчин үеийн мэдээллийн технологийн ямар ч төхөөрөмжийг ашиглан хаана ч хамаагүй, аль болох хурднаар хичээлтэй холбоотой бүртгэлийн ажлаа амжуулах боломжийг олгодог. Багш нар өөрсдийн веб хуудсан дээрээ хичээлийнхээ материалыг бичиж, анги тус бүрийн хийж буй ажлыг хянах, дутуу байсан мэдээллийг нөхөх, эсвэл хичээлийн жилийн явцын бүртгэлийг хэвлэн гаргах боломжтой.
Дүн бичихдээ багш нар хавсарган төрлийг нь тодорхойлж, тайлбар нэмж болно. Энэ нь багш нарт хэдэн сарын дараа ч гэсэн юун дээр үндэслэн уг дүнг тавьснаа санаж, шаардлагатай бол өмнө нь өгсөн дүнгээ өөрчлөх боломжийг олгодог.
Хичээл таслалтаас гадна хоцролт, чөлөө авалт, хичээлийн хэрэгсэл дутуу байсан талаар ч бүртгэлд тэмдэглэж болно.
Хялбар администрац, статистик, тайлан
mozaLog нь сурагчийн мэдээллийг төвийн системээс импортолж авах чадвартай. Мэдээллийг импортлон авсны дараа зөвхөн гарсан өөрчлөлтийг бүртгэн администрацийн системийг шинэчлэх л хэрэгтэй. Програм нь ганц товшилтоор ангиудийн дүнгийн болон хичээл таслалтын статистикийг үүсгэдэг. Уг статистикт администратор, захирал, тэр байтугай улсын хамаарах боловсролын байгууллагууд шууд хандах боломжтой болно.
mozaLog нь сурлагын дүнд олон талт шинжилгээ хийх зорилгоор энгийн эсвэл үржвэрт дүнгийн дунджийг, мөн ангийн сурагчдын тестийн дүнгүүдийн дунджийг тооцоолж чаддаг. Цахим бүртгэлийн харьцуулах хүснэгтүүд нь ангиудын дүнгийн дунджын өөрчлөлтийг хянах боломжийг олгодог.
Хичээл таслалтын статистикаар тодорхойлолтгүй таслалтыг хялбархан хянаж, мөрдөх боломжтой. Мөн таслалтын бүртгэлд хувь процентийн хязгаар тогтоож болно. Систем нь аль нэг хичээлээр эдгээр хязгаарт хүрсэн сурагчдыг автоматаар тэмдэглэж, статистикт онцлон гаргадаг.
Хичээлийн хуваарь, багшийг орлосон цагууд
Хичээлийн хуваарийг оруулах хэд хэдэн арга бий: mozaLog нь aSc TimeTables-д үүсгэсэн хичээлийн хуваарийг импортлох эсвэл цагийн хуваарийг MS Excel хүснэгт хэлбэрээр байршуулах боломжтой. Хичээлийн жилийн дундуур гарсан хичээлийн хуваарийн өөрчлөлтийг mozaLog-д суулгасан хичээлийн хуваарь засварлагчаар дамжуулан оруулж болно.
Энэхүү бүртгэл нь багш нарт ямар нэгэн нэмэлт администрацийн ажил хийхгүйгээр хичээлийн цаг солилцох, багшийг орлох зэргийг хөтлөх боломж олгодог. Ердийн хичээлүүдээс гадна mozaLog нь сургуулийн арга хэмжээнүүдийг (жишээ нь баяр ёслол, үйл ажиллагаа, аялал гэх мэт) бүртгэн хөтлөх боломжтой.
mozaLog нь хонх дуугарах цагийн хуваарийн дагуу хичээлүүд, тусгай арга хэмжээнүүдийг тогтмол, хичээлээс гадуурх болон хичээлийн дараах үйл ажиллагаануудыг мөн хамааруулан бүртгэн зохицуулдаг. Мөн mozaLog-оор ердийн хонхны хуваарьт тохирохгүй үйл ажиллагааг ч бас хичээлийн хуваарьт нэмж оруулах боломжтой.
mozaLog нь ижил хичээл заадаг болон өөр хичээл заадаг, орлох боломжтой багш нарын жагсаалтыг гаргаж өгөх болно. Сурагчдыг хянах, хичээлийг солих, нэгтгэх үйлдлийг мөн удирдаж болно. Багш нар орлосон цагуудаа ердийн цагийнхаа нэгэн адилаар оруулж болно. Багшийг удаан хугацаагаар орлохыг ч мөн адил уг програмаар удирдаж болно.
Сургуулийн удирдлагад өгөх ашиг тус
Сургуулийн бүх ажилчид нэг ижил системийг ашигласнаар администрацийг хийх, нэгтгэн харах, шалгахад хялбар болно. Бүртгэл хийхэд шаардагдах хугацааг эрс багасган, администрацийг хийхэд урамтай болж, эмх цэгцтэй хөтлөх боломжтой болсноор заах хичээлдээ зарцуулах цаг нэмэгдэх болно. Мөн уг систем нь сургуулийн ажлын цагийн хуваарийг хүн бүрт ойлгомжтой, дагаж мөрдөхөд хялбараар харуулна.
Жилийн ажлын хуваарийн модуль нь хичээлийн жилийг төлөвлөх, хичээлийн өдрүүд, хичээл орохгүй ажлын өдрүүд, сургуулийн амралт, сургуулийн арга хэмжээ, ангийн аялал гэх мэтийг төлөвлөх боломжийг олгодог. Багш, сурагч, эцэг эхчүүдэд хэрэгтэй нэмэлт мэдээллийг сургуулийн хуанлид хамаарах өдөрт нь хавсруулан оруулж болно.
Програмын тайлан мэдээллийг өргөн хүрээнд ашиглаж болно, сургуулийн удирдлага хичээлийн жилийн аль ч өдөр шаардлагатай статистик мэдээллийг ганц товшилтоор авах боломжтой. Мөн сурлагын статистикийг анги тус бүрээр нь харуулах эсвэл хэд хэдэн ангийн харьцуулсан дүн шинжилгээ хийх боломжтой. Цахим бүртгэл нь хичээлийн жилийн төгсгөлд бүхэл сургуулийн, эсвэл нэг нэг ангийн сурлагын болон хичээл таслалтын статистик, мөн сургуулийн боловсон хүчний статистикийн мэдээллийн хуудсыг бэлтгэдэг. Төрөл бүрийн статистик өгөгдлийн хуудас, тайланг сурагч тус бүрээр, ангиар болон бүхэл сургуулиар гарган авах боломжтой.
Хэрвээ сургуулийн удирдлага сургуулийн ажлын хураангуй танилцуулга, тайланг авахыг хүсвэл mozaLog-оор графикаар дүрсэлсэн иж бүрэн дүн шинжилгээг хийх боломжтой.
Эцэг эх, сурагчидтай харилцах
mozaLog цахим бүртгэлийн тусламжтайгаар эцэг эхчүүд хүүхдийнхээ сурлагын амжилт, хичээл таслалт, түүнчлэн тэдний сахилга бат, хичээлийн идэвхийн үнэлгээг өдөр тутамдаа хянаж чадна. Багш нар mozaLog-оор дамжуулан сурагчид болон эцэг эхчүүдтэй харилцах боломжтой.
Эцэг эхчүүд хүүхдийнхээ хичээлийн хуваарийг хянаж, хичээлийн сэдвийг харах боломжтой. mozaLog-ийн энэхүү функц нь эцэг эхчүүдэд хүүхдийнхээ сурлагын ахиц дэвшлийг дагахад тусалдаг. Багш нар сургуулийн арга хэмжээ, аялал, шалгалт, тестийн талаар мэдэгдэл илгээх боломжтой тул сурагчид, эцэг эхчүүд цаашдын анхаарах зүйлсийн талаар байнга мэдээллээр хангагдаж байх болно.
Хүсвэл эцэг эхчүүд хүүхдүүдтэйгээ холбоотой бүх шинэ тэмдэглэлийг (авсан дүн, хичээл таслалт, сайшаал, зэмлэл гэх мэтийг) имэйлээр автоматаар авах боломжтой.
Систем дотроо эцэг эхчүүдтэй холбоо тогтоох нь илүү хялбар болж, биеэр уулзахаас (эцэг эхийн хурал, хүлээн авах цаг) гадна харилцах шинэ хэлбэрийг бий болгоно.
Мэдээллийн хамгаалалт ба аюулгүй байдал
Сургуулийн цахим бүртгэлийн программ хангамж нь мэргэжилтнүүдийн хяналттай серверүүд дээр ажилладаг. Өргөн зурваст серверүүд нь олон тооны хэрэглэгчид програмд нэгэн зэрэг нэвтэрч, ашиглах боломжийг олгодог. mozaLog-ийг хэд хэдэн хандалтын түвшинд ашиглаж болно. Эдгээр түвшин нь тухайн хэрэглэгч ямар төрлийн өгөгдөл болон функцэд хандах, өөрчлөх эрхтэйг тодорхойлдог.
- Аюулгүй байдлын үүднээс нэвтрэлтийг бүртгэж, мэдээллийн урсгалыг хамгаалагдсан, нууцласан интернет холболтоор хийдэг.
- Систем нь зөвшөөрөлгүй хэрэглэгчдийн нэвтрэх амжилтгүй оролдлогыг илрүүлэн бүртгэдэг. Энэ өгөгдлийг дараа нь эргүүлэн хайх боломжтой.
- Цахим бүртгэл нь дүн өгөх, эсвэл өгсөн дүнг өөрчлөсөн огноо, цагийг бүртгэдэг.
- Мэдээллийн аюулгүй байдлыг нэмэгдүүлэхийн тулд өдөр бүр мэдээллийн бүрэн хадгалалтыг хийх хуваарь гаргаж болно.
Сургуулийн веб хуудсан дахь цахим бүртгэл
Манай mozaPortal үйлчилгээ нь сургуулийн орчинд тохируулан боловсруулсан бүтэцтэй, амьдрал дээр ч туршиж үзсэн вэб сайтын үйлчилгээ юм. Цэсийг нь тухайн сургуулийн хэрэгцээнд тохируулан чөлөөтэй өөрчлөх боломжтой ба хүссэн агуулгаа байршуулж болно.
Сургуулийн цахим бүртгэлийг mozaPortal сургуулийн вэбсайтын үйлчилгээтэй хамтруулан захиалж ч болно. Энэ тохиолдолд mozaLog нь сургуулийн вэбсайтад багтсан байх бөгөөд үүний цэснээс хандах боломжтой. mozaPortal-д цахим бүртгэлээс авсан өгөгдлийг харуулж болно, жишээлбэл: багш, сурагч, ангиудын жагсаалт; хичээлийн хуваарь, ажлын хуваарь гэх мэт.