Цахим хичээлүүд
Ухаалаг төхөөрөмжүүдэд зориулсан интерактив сургалтын материал
Шинэ ур чадварууд
Ангид цахим хичээл ашиглах нь сурагчдыг хичээлд идэвхтэй оролцох, туршлага дээр үндэслэсэн мэдлэг олж авах, бүлгийн ажлаар бусадтай хамтран ажиллахад суралцахад түлхэц өгдөг. Багш нарын үүрэг бол сурагчдыг даалгаврын шийдлийг олох дээр хамтран ажиллахад нь туслах явдал юм.
Цахим хичээлүүд нь ирээдүй хойч үеийнхний хувьд хиймэл оюун ухааны ертөнцөд нэн чухал байх ур чадваруудад анхааран, сурагчдын хамтарч ажиллах чадвар, нийгмийн болон цахим ур чадварыг хөгжүүлдэг. Цахим хичээлүүд нь нэг чигт сэтгэлгээний оронд сүлжээт сэтгэлгээгээр хэрхэн суралцаж, ажиллахыг заадаг.
Өргөн хүрээний мэдлэг
12 хэл дээр уншиж болох цахим хичээлүүд нь сэдвийг судлахдаа зөвхөн нэг шинжлэх ухааны салбарт төвлөрөөд зогсохгүй хэд хэдэн хичээлээр олж авах мэдлэгийг холбож, тухайн сэдвийн талаар илүү өргөн хүрээний мэдлэгийг олгодог.
Өгөгдсөн сэдвийг шинжлэх ухаан, математик, түүхэн гэх мэт талаас нь хамтдаа авч судалдаг тул олж авах мэдлэгээс гадна ойлголтууд хоорондын хамаарлыг харуулан, ертөнцийг бүхэлд нь хамааруулан зохицуулдаг тогтолцоонууд хэрхэн ажилладагийг ойлгоход тусалдаг.
Мэдлэгийн граф
Цахим хичээлүүдийн хоорондын хамаарлыг агуулгын графикаар харуулсан бөгөөд энэ нь суралцах материалыг агуулга дээр нь үндэслэн холбодог.
Олон хэмжээст шүүлтүүрийг ашигласнаар та өөрт хэрэгтэй агуулгаа хялбархан сонгох боломжтой. Ингэснээр сурагчид сургалтын хэрэглэгдэхүүн хоорондын хамаарлыг гурван хэмжээст графикаас шууд харж, эдгээр харилцааг контекстэд оруулах боломжтой.
Жишээлбэл, сурагчид агаар мандалын талаар суралцахдаа газар зүйн сэдвийн хажуугаар биологи (амьдралын нөхцөл), хими (бүрэлдэхүүн хэсэг), физик (агаарын даралт), түүх (нисэхийн түүх) зэрэг сэдвүүдээс ч бас холбогдох агуулгыг олж авах боломжтой.
Хиймэл оюун ухаан
Агуулгын графикийн хиймэл оюун ухаан нь сурагч бүрийн сонирхсон сургалтын хэрэглэгдэхүүнийг багтаасан бие даан сурах арга замыг бий болгож чадна.Сурагч тус бүрт тохируулсан сургалт нь тухайн хүүхдийн сайжруулах шаардлагатай ур чадварыг цогцоор нь хөгжүүлэх боломжийг олгодог.
Дахин давтагдах амархан дасгалуудыг давтахын оронд сурагчдын хэрэгцээнд тохирсон дасгал, сургалтын хэрэглэгдэхүүнээр дамжуулан тэдний мэдлэгийг дээшлүүлэн, сайжрах боломжийг нь хангаж болох боломжтой. Сургалтын материалыг сурагч тус бүрт зориулан тохируулснаар сурагч бүрийн мэдлэг, ур чадвараас үл хамааран сургалтын оновчтой орчинг бүрдүүлэх боломжтой.
Хаана ашиглаж болох вэ?
Цахим хичээлүүд нь HTML-д суурилсан вэб хуудсууд бөгөөд компьютер, Android эсвэл Apple iOS үйлдлийн систем бүхий таблет болон идэвхтэй интернет холболттой ухаалаг гар утсан дээр хөтчөөр нээгддэг. Бүх орчинд тохирох дизайныхаа ачаар агуулга нь бүх үед дэлгэцийн хэмжээнд нийцдэг. Тиймээс хичээлийг ухаалаг гар утсан дээр ч бүрэн дүүрэн ашиглах боломжтой.
