LabCamera нь вэб камерт суурилсан шинжлэх ухааны сэдэвт, судалгааны болон өгөгдөл цуглуулах програм бөгөөд багш, сурагчдад компьютер ашиглан шинжлэх ухааны ажиглалт, хэмжилт хийхэд тусалдаг. Сурагчид үүнийг ангидаа эсвэл гэртээ гэрийн даалгавраа хийхэд ашиглаж болно. Уг програм нь дэлхий ертөнцийг бүтээлчээр судлахад тусалдаг, шинжлэх ухааны талаархи сонирхлыг төрүүлж, туршлага хийх урам нэмдэг ач холбогдолтой.
Таблет болон утсанд зориулсан сургалтын апп-ууд
Багш нарт болон сургуульд өгөх ашиг тус
- Шинжлэх ухаан, байгалийн ухааны сургалтыг шинэ өнцгөөс харуулдаг
- Байгалийн үзэгдэл, үйл явцыг гүнзгийрүүлэн ойлгоход тусалдаг
- Үнэтэй лабораторийн тоног төхөөрөмж авах хэрэгцээгүй болгож, сургалтын зардлыг бууруулдаг
- Байгалийн шинжлэх ухааны бараг бүх салбарт ашиглах боломжтой
- Багш нарын ажлыг хөнгөвчлөн, гүйцэтгэлийг сайжруулж, урам оруулна
- Сурагчдын бүтээлч сэтгэлгээг дэмжинэ
- Хичээлүүдийн мэдлэгийг уялдуулан холбох боломжийг олгодог
- Сургууль, багш нарын өрсөлдөх чадварыг дээшлүүлнэ
- Шилжүүлэх боломжтой, мөнхийн лицензтэй
Сурагчдад өгөх ашиг тус
- Шинжлэх ухаанч сониуч занг хөдөлгөдөг
- Байгалийн шинжлэх ухааны хичээлүүдийн гүйцэтгэлийг нэмэгдүүлдэг
- Хөгжилтэйгээр суралцах боломжийг олгоно
- Асуудлыг шийдвэрлэх, хийсвэрээр төсөөлөх чадварыг хөгжүүлдэг
- Алдааны оронд амжилтанд хүрэх мэдрэмжийг өгдөг
- Ангидаа болон гэртээ хичээл хийх хооронд гүүр болж өгдөг
- Гэрийн даалгавраа хийхийг илүү сониртхолтой болгодог
- Аюулгүй туршилт хийх боломжийг олгодог
- Энгийн, өдөр тутмын эд зүйлс болон компьютерийн тусламжтайгаар туршилт хийх боломжийг олгодог
Time lapse
Time Lapse функц нь үүл үүсэх, үүл нүүдэллэх, мөс хайлах, ургамал ургах гэх мэт байгаль дахь удаан үйл явцуудыг ажиглаж, илүү сайн ойлгоход тусална.
Програм нь тохируулсан цаг бүрд зураг аван, тэр зургуудыг холбон видео бичлэг болгодог. Зураг хоорондын хугацаа болон видеог тоглуулах хурдыг өөрөө тохируулж болно.
Кинематик
Кинематик модулийн тусламжтайгаар бид объектуудын хөдөлгөөнийг (байрлал, хурд, хурдатгал) дагаж, график дээр бодит цаг хугацаанд дүрслэх боломжтой. Бид вэб камерын дүрсийг ашиглах эсвэл урьдчилан бичсэн видеог судлах боломжтой.
Програм нь 3 биеийн хөдөлгөөнийг нэгэн зэрэг авч үзэх чадвартай ба сурагчдад хөдөлгөөний шинж чанарыг харьцуулах замаар илүү төвөгтэй туршилт хийх боломжийг олгодог. Энэ бүгдийг өнгөт шаариг, тоглоомын машин, агаарын бөмбөлөг гэх мэт өдөр тутмын танил зүйлийг ашиглан хийдэг.
Тагнуулын камер
Тагнуулын камерын тусламжтайгаар бид өвөрмөц, ховор мөчүүдийг бичиж авч чадна. Үүний ажиллагаа нь хөдөлгөөн мэдрэгчтэй камертай төстэй бөгөөд програм нь камерт хөдөлгөөн мэдрэгдэнгүүт бичлэг хийж эхэлдэг.
Камерын бичигдсэн бичлэг дээр програмын хөдөлгөөн хянах хэсгийг сонгож, хөдөлгөөн мэдрэгчийг ч бас хүрээлэн буй орчин, объектоос хамааран өргөн хүрээнд тохируулах боломжтой.
Микроскоп
Микроскоп модулийг ашиглан микроскопоор шинжилгээ хийх эсвэл зай, өнцөг, талбайг хэмжих боломжтой. Вэб камерууд маш ойрын зураг авах чадвартай тул бид бичил биетэн, нэг эст организмыг ч бас судлахаас гадна барилга байгууламж, гүүр, тэр ч байтугай саран дээрх тогоонуудыг хэмжиж болно. Энэ нь пропорц, хэмжээ, хэмжих арга замыг заах гайхалтай хэрэгсэл юм.
Универсаль бүртгэл хөтлөгч
Универсаль бүртгэгч өгөгдөл бүртгэх модул нь компьютерт суурилуулсан вэб камерын тусламжтайгаар ямар ч дижитал, аналог тоон хэмжүүрт, эсвэл шингэн баганат хэмжүүрт төхөөрөмжид гарсан өөрчлөлтийг цаг тухайд нь уншиж, үр дүнг нь графикаар харуулдаг. Нэгэн зэрэг 3 хэмжигч төхөөрөмжийг хянах боломжтой бөгөөд энэ нь сурагчдад харьцуулсан туршилт хийх боломжийг олгоно.
Үүнийг ашигласнаар сургуулиуд их хэмжээний зардлыг хэмнэх болно, учир нь үнэтэй, шинэ үеийн, компютерт холбож болох хэмжигч төхөөрөмж худалдаж авах шаардлагагүйгээр өөрсдийн уламжлалт хэмжих хэрэгслээр тоон өгөгдлийг бүртгэх боломжтой хэвээр байх болно.
Зам хайгч
Зам хайгч модуль нь камерын шууд дүрс эсвэл урьдчилан бичсэн видеон дээр харагдах хөдөлгөөнд дүн шинжилгээ хийж, дараа нь хөдөлгөөний газрын зураг дээр харуулна. Програм нь хөдөлгөөний газрын зураг дээр илүү тод өнгөөр байнга явдаг замыг тэмдэглэдэг.
Үүний тусламжтайгаар бид жишээлбэл шоргоолжны явах зам, нэг эст амьтдын хөдөлгөөнийг судалж болно, тэр байтугай энэ нь замын хөдөлгөөнийг хянахад ч тохиромжтой.
График чэлленж
Энэхүү хөгжилтэй апп нь графикийг ойлгоход тусална. Муруйгаар тодорхойлогдсон хөдөлгөөнийг камерын өмнө хөдөлгөөнөөрөө дагах хэрэгтэй ба муруйг аль болох бүрэн дагах явдал юм.
Та хэвтээ-босоо, ойртох-холдох эсвэл эргүүлэх горимуудын аль нэгийг сонгох боломжтой бөгөөд сонгосон объектыг эргүүлэх, эсвэл камераа объектын тойруулан эргүүлж болно.
LabCamera цахим хичээлүүд
LabCamera-гийн цахим хичээлүүдээс та олон физик үзэгдлийн үнэ төлбөргүй видео бичлэгүүдийг олох болно, та эдгээрийг програмдаа ачаалан, шинжилгээ хийх боломжтой. Видеонуудад туршилтын тайлбар бас орсон байдаг.
