Мэдээ Мэдээ

• Бүгд
• Мэдээ
• Функцүүд
• Интерактив анги

Mozaik Education-ээс зохион байгуулдаг цуврал вебинарын 6 дахь удаагийн сургалт 2026 оны 9-р сарын 17-ны өдөр “mozaWeb болон mozaBook-ийн шинэчлэлтүүд” сэдвийн хүрээнд амжилттай зохион байгуулагдлаа! 

Вебинарт нийт 3600 гаруй багш бүртгүүлж, Монгол улсын өнцөг булан бүрээс 1000 гаруй багш Zoom-ээр шууд хамрагдсан бол бусад оролцогчид YouTube-ийн шууд дамжуулалтаар оролцлоо.

Mozaik Education төсөл Монголд хэрэгжиж эхэлснээс хойш цахим боловсролын хэрэглээ эрчимтэй өргөжиж, ​​​​Монголын мянга мянган багш, сурагч mozaWeb, mozaBook, mozaik3D цахим шийдлүүдийг өдөр тутмын хичээл, сургалтын үйл ажиллагаандаа идэвхтэй ашиглаж байна. Дижитал сурах бичиг, цахим боловсролын агуулга болон интерактив хэрэгслүүд нь багшийн өдөр тутмын ажлыг хөнгөвчилж, ээлжит болон нэгж хичээлээ төлөвлөн бэлтгэхэд дэмжлэг үзүүлэхийн зэрэгцээ сурагчдад хичээлийн агуулгыг илүү ойлгомжтой, сонирхолтой, үр дүнтэй байдлаар суралцах боломжийг бүрдүүлж байна.

Тиймээс 6 дахь удаагийн нээлттэй вебинарын үеэр бидэнтэй хамт байж, сургалт бүрт идэвхтэй оролцож ирсэн багш нартайгаа дурсгалын зураг татууллаа. Энэхүү зураг нь зөвхөн нэг вебинарын дурсамж бус, Монголын багш нарын идэвхтэй оролцоо, суралцах хүсэл эрмэлзэл, цахим боловсролын шинэ боломжуудыг өдөр тутмын сургалтдаа бодитоор ашиглаж буйг тэмдэглэн үлдээсэн чухал мөч байлаа.

✨Вебинарын онцлох мөчүүдийг нэгтгэсэн дурсгалын бичлэгээ та бүхэнтэй хуваалцаж байна. 

ДУРСГАЛЫН БИЧЛЭГИЙГ ҮЗЭХ

Энэ удаагийн вебинар сургалтаар 2026 онд mozaWeb болон mozaBook-д нэмэгдсэн шинэ функц, хэрэгслүүд, цахим хичээл, боловсролын агуулгатай ажиллах шинэ боломжуудыг танилцууллаа. Мөн AI ашиглан цахим хичээл, дасгалын дэвтэр, медиа сан болон документаас дасгал үүсгэх боломжуудыг бодит жишээгээр үзүүлсэн нь вебинарын онцлох хэсгүүдийн нэг байлаа.

Вебинарын дасгалын дэвтрийг үзэх

Монгол бүх вебинарын дасгалын дэвтрийг үзэх

Вебинарын төгсгөлд сэтгэгдэл, урмын үгээ хуваалцсан бүх багш нартаа чин сэтгэлээсээ талархаж байна. Та бүхний илгээсэн сэтгэгдлээс заримыг нь онцлон хүргэж байна. ✨

• Баттөмөр Сэржмядаг (НЕБ-ын 15-р сургууль, Улаанбаатар хот) 

Юуны өмнө танай хамт олонд энэ нөр их хөдөлмөрийг гаргаж, багаараа МУ-ын боловсролд оруулж буй хөрөнгө оруулалт хийж байгаад гүнээ талархаж байна. Цаашид улам улам боловсронгуй, багш болон сурагчдын сурах идэвхийг нэмж тэр их бичиг цаасны ажлыг хөнгөвчилж байгаад маш их талархууштай байна.

• Басан Бямбасүрэн (Ховд аймгийн Жаргалант сумын 1-р сургууль)

Сургалт бүр дээрээ шинэлэг зүйл зааж байгаа танай хамт олондоо баярлалаа.

• Ягаан Болормаа (Завхан аймгийн Улиастай сумын Жавхлант цогцолбор сургууль)

Багш нарын мэдээлэл харилцааны технологи харилцан адилгүй. Гэхдээ Mozaik хамт олноос зохион байгуулж байгаа сургалт үнэхээр үр дүнтэй, чанартай байдаг. Та бүхэнд ажлын амжилт хүсье.

• Батсуурь Мөнхтуяа (Дундговь аймгийн Сайхан-Овоо сумын ЕБС)

Орон нутгийн лабораторигүй сургуульд маш хэрэгтэй видео хичээл, туршилт оруулдаг.

• Мустапай Бахатгүь (НЕБ-ын Боловсрол сургууль, Улаанбаатар хот)

Маш үр өгөөжтэй, улам олон багш хамрагдаасай.

Та бүхний идэвхтэй оролцоо, суралцах хүсэл эрмэлзэл энэхүү вебинарыг амжилттай зохион байгуулахад үнэтэй хувь нэмэр орууллаа. 

Дараагийн вебинараар удахгүй дахин уулзацгаая!

Хүндэтгэсэн,

Мөнгөнзаяа болон Mozaik хамт олон

Албан ёсны Facebook хуудсыг дагаарай! - Mozaik Education Монголд
Сургалт, вебинарын шинэ мэдээллийг цаг алдалгүй аваарай.

Албан ёсны YouTube сувгийг дагаарай! - Mozaik Education Mongolia
mozaBook болон mozaWeb-ийн зөвлөгөө, танилцуулга, хэрэгтэй бичлэгүүдийг үзээрэй.