Your cart is empty
1. Бүртгэл үүсгэх
2. Бүтээгдэхүүн татаж авах
3. Монгол хэл дээрх боловсролын агуулга
- Үнэлгээний шалгуур - суурь, бүрэн дунд боловсролын сургалтын хөтөлбөр
- Шинэлэг 4 Монгол сурах бичиг
- Ерөнхий боловсролын 6-12 ангийн сурах бичгүүд
4. Гарын авлага, Сургалтын материал, Вебинар
- Хэрэглээний гарын авлага
- Монгол хэл дээрх сургалтын бичлэгүүд
- Монгол вебинарын бичлэгүүдийг хэсэгчлэн үзэх
- Монгол вебинарын дасгалын дэвтрийг үзэх
- Вебинарын сертификатыг үзэх
5. Бидэнтэй шууд холбогдох
- Facebook-ээр холбогдох
- Асуулт асуух, тусламж хүсэх
- Техникийн алдааг мэдэгдэх болон санал хүсэлт илгээх
6. Албан ёсны олон нийтийн сувгууд
- Facebook хуудас - Mozaik Education Монголд
- Facebook бүлэг - Mozaik Mongolia
- Youtube суваг - Mozaik Education Mongolia
- Instagram - Mozaik Education
- LinkedIn - Mozaik Education
- Tiktok - Mozaik Education
- Захидлын жагсаалтад бүртгүүлэх
7. Худалдан авах боломжтой лицензүүд
8. Анагаахын сургуулийн багш, оюутнуудад
Монгол багш нарт зориулсан энэхүү цуврал вебинараар mozaBook, mozaWeb-ийн функцүүдийг хэрхэн ашиглах болон шинэ функцүүдийг жишээгээр дэлгэрэнгүй танилцуулна.
2025 оны 11 сарын 12 – mozaBook, mozaWeb-ийн танилцуулга Вебинар
mozaBook болон mozaWeb-ийн үндсэн функцүүд, дижитал ном, дасгалын дэвтэр, бүртгэл нэвтрэлт, платформын боломжууд болон AI асуулт үүсгэх функцийн талаар танилцуулна.
- Вебинарын дасгалын дэвтрийг үзэх
- Mozaik Education Танилцуулга
- mozaBook дахь Дижитал ном
- mozaBook дахь Дасгалын дэвтэр
- mozaWeb: Бүртгэл ба Нэвтрэх
- mozaWeb-аас mozaBook татах
- mozaWeb: Функцууд
- mozaWeb: AI асуулт үүсгэх
- Тусламжийн функцууд
- Mozaik платформууд
2025 оны 11 сарын 27 – Дасгалын дэвтэрийн үндсэн функцууд
mozaBook-ийн дасгалын дэвтрийг сонирхолтойгоор хийх, төрөл бүрийн медиа, анимейшн, дүрс, томьёо, хэрэгслийг ашиглах, шинээр дасгал үүсгэх, дасгалыг засварлах, дасгалыг гэрийн даалгаварт өгөх, үнэлэх аргачлалыг танилцуулсан.
- Вебинарын дасгалын дэвтрийг үзэх
- Эхлэл хэсэг, нийтлэг асуудлууд
- Жишээ дасгалын дэвтэр
- Дэвтрийн тохиргоо, зургийн хэрэгслүүд
- Медиа сан, Анимейшн нэмэх
- Дүрс, Томьёо, Хэрэгсэл оруулах
- Дасгал засварлагч
- Mozaik-ийн Монгол Контентууд
- Шинээр Дасгал үүсгэх
- Бусад Мэдээлэл
2025 оны 12 сарын 3 – Медиа сангийн үндсэн функцууд
mozaBook, mozaWeb-ийн медиа сангийн дижитал агуулгыг ашиглах, хичээлдээ нэгтгэх аргачлалыг 3D контент, анимейшн, тоглоом, хэрэгсэл, сорилын жишээгээр танилцуулна.
- Вебинарын дасгалын дэвтрийг үзэх
- Медиа сан танилцуулга
- Лизенцийн эрх, Сурах бичгүүд
- 3D цэс, тойрч алхах функц
- 3D зөөх, анимейшн, тоглоом
- Цахим хичээлийн бүтэц
- Хэрэгсэл
- Тоглоом
- Сорил
2025 оны 12 сарын 10 – mozaWeb-ийн үндсэн функцууд
mozaWeb-ийн 3D нэвтэрхий толь, чадвар шалгах тестүүд, өдөр тутмын асуулт зэрэг онцлог функцүүдээс гадна цуглуулга, бүлэг, гэрийн даалгавар, дасгал, тест, ангийн ажлыг хэрхэн ашиглахыг дэлгэрэнгүй танилцуулна.
- Вебинарын дасгалын дэвтрийг үзэх
- Петр Төрөк захиралын мэндчилгээ
- Эхлэл хэсэг, mozaWeb цэсүүд
- 3D нэвтэрхий толь бичиг
- Чадвар шалгах, Mozaik асуулт хариулт
- Дасгалын дэвтэр, номнууд
- Цуглуулга
- Бүлэг үүсгэх, бүлэгт нэгдэх
- Гэрийн даалгавар үүсгэх, олгох, үнэлэх
- 3 төрлийн дасгал үүсгэгч, AI дасгал
- Дасгал засварлагч, дасгалын хуудас
- Цахим тестийг үүсгэх, үнэлэх
- Ангийн ажилд нэгдэх, явуулах
2026 оны 3 сарын 20 – Ахисан түвшний mozaBook функцууд
mozaBook-ийн дэвтэр зохион байгуулалт, тохиргоо, горим, диаграмм, хүснэгт, давхарга, тавиур, ноорог, байршлын туслах, хайх функц зэрэг ахисан түвшний функцуудыг ашиглах аргачлалыг танилцуулна.
- Вебинарын дасгалын дэвтрийг үзэх
- Нэвтрэлттэй холбоотой шинэчлэлт
- Тохиргоо, Дэвтэр зохион байгуулалт
- Горимууд, үзгийн сав, зургийн хэрэгслүүд
- Медиа сан
- Геометрийн хэрэгслүүд
- Обьектыг хөдөлгөөнд оруулах
- Дасгал үүсгэх
- 3D үзэгдэл, номноос AI ашиглаж дасгал үүсгэх
- Гэрийн даалгаврыг mozaBook-ээс өгөх
- Дэвтэр хадгалах, устгах, хуваалцах, хэвлэх
- Харилцааны диаграмм
- Нийтлэлтэй ажиллах
- Хүснэгт оруулах
- Шинэлэг Монгол сурах бичгүүд
- Давхарга, тавиур
- Дэвтэрт оруулах цэс - ноорог, хуудасны холбоос
- Халхлах, байршлын туслах
- Хайх функц, дуртай зүйлс
2026 оны 5 сарын 27 – mozaWeb шинэчлэлтүүд: AI-д суурилсан Монгол сургалтын хөтөлбөр
AI-д суурилсан сургалтын хөтөлбөр буюу 2021 оны Монгол Улсын 6-12 ангийн 11 хичээлийн сургалтын хөтөлбөртэй нийцсэн боловсролын агуулгыг танилцуулж, сургалтын хөтөлбөрийн суралцахуйн үр дүн, зорилт, гүйцэтгэлийн түвшинтэй тохирсон асуултуудыг AI ашиглан үүсгэх, тухайн асуултыг гэрийн даалгаварт өгөх боломжийг үзүүлсэн.
Мөн mozaWeb-ийн хамгийн сүүлийн үеийн шинэчлэлтүүдийг танилцууллаа.
Түүнчлэн Монгол хэл, Үндэсний бичиг, Уран зохиол, Орос хэлний хичээлүүдийн сургалтын хөтөлбөрөөс AI ашиглан дасгал үүсгэх боломжтой болсон.
- Вебинарын дасгалын дэвтрийг үзэх
- mozaWeb-ээс сургалтын агуулгыг уламжлалт аргаар хайх
- 6-12 ангийн сургалтын хөтөлбөрийн танилцуулга
- mozaWeb шинэчлэлт: AI-д суурилсан сургалтын хөтөлбөр
- Сургалтын хөтөлбөрөөс дасгал үүсгэх
- Mozaik AI-ийн давуу тал
- AI ашиглаж дасгал үүсгэх
- AI дасгалыг ашиглах 4 аргууд
- mozaWeb шинэчлэлтүүд
- Монгол хэл, Үндэсний Бичгийн багш нарт
- Зочин багшийн туршлага
- Үндэсний бичиг агуулсан дасгал
- Шинээр нэмэгдсэн хичээлүүд: Монгол хэл, Үндэсний бичиг, Уран зохиол, Орос хэл
Mozaik Education нь дэлхийд тэргүүлэх боловсролын контент бүтээгчдийн нэг юм. Бидний медиа санг 40 хэл дээр ашиглах боломжтой бөгөөд 100 гаруй оронд өргөн хэрэглэгддэг.
Багш нар бидэнтэй уулзахдаа ихэвчлэн "Манай улсын сургалтын хөтөлбөрт тохирсон агуулга байгаа юу?" гэж асуудаг. Хариулт нь мэдээж тийм. Гэхдээ үүнийг яаж олох вэ?
Тохирох материалыг олох хэд хэдэн арга бий.
-
Нэгдүгээрт, хамгийн энгийн бөгөөд уламжлалт арга бол хайлтын цонхыг ашиглах юм: заах гэж буй хичээлийнхээ түлхүүр үгийг бичээд ямар 3D үзэгдэл, дижитал хичээл, хэрэгсэл, видео гарч ирэхийг харна уу.
-
Хоёрдугаарт, Медиа санг агуулгын төрөл, хичээлийн чиглэл болон насны ангиллаар шүүж хайх боломжтой.
Хоёр арга хоёулаа үр дүнтэй боловч тус бүрдээ дутагдалтай тал байдаг. Эхний тохиолдолд түлхүүр үгээр хайхад цөөн тооны үр дүн гарч ирдэг бөгөөд зөвхөн хайлтын үгтэй хамгийн ойр холбоотой агуулгыг л үзүүлдэг. Хоёр дахь тохиолдолд илүү өргөн хүрээнд харах боломжтой ч сонголтуудыг нэг бүрчлэн үзэж шалгахад нэлээд их цаг шаарддаг.
Багш нарт хэрэгцээнд нь тохирсон өргөн хүрээний агуулгыг хялбархан олоход туслах зорилгоор AI-д суурилсан шинэ боломжийг нэвтрүүлсэн. Энэ хэрэгсэл нь сургалтын хөтөлбөрт нийцсэн материалыг хурдан олоход тусалж, цаг хугацаа болон хүч хөдөлмөрийг хэмнэснээр багшийн ажлын ачааллыг хөнгөвчилдөг. Үүнийг AI-д суурилсан стандарт гэж нэрлэдэг.
Таны ажлыг хөнгөвчлөх сургалтын хөтөлбөр болон боловсролын стандартуудыг манай системээс үзэх боломжтой. Улсаа болон холбогдох стандартыг сонгоход л таны хөтөлбөрт тохирсон сургалтын материалууд шууд харагдана.
Зүүн талд үндэсний сургалтын хөтөлбөр харагдах бөгөөд заах гэж буй сэдвээ хялбархан сонгох боломжтой. Хайлтын үр дүнд гарч ирэх улаан гарчигтай контентууд нь тухайн сэдэвтэй хамгийн их тохирсон бөгөөд эдгээрийг уламжлалт хайлтаар ч олох боломжтой. Цэнхэр гарчигтай контентууд нь нэмэлт материал бөгөөд улаан гарчигтай контентын доор харагдана. Эдгээр нь хичээлийг өргөн хүрээний мэдлэг, сонирхолтой жишээ, илүү идэвхтэй болон олон талт үйл ажиллагаагаар баяжуулахад тусална.
Эхлээд агуулгын тоо их мэт санагдаж магадгүй — гэхдээ санаа зовох хэрэггүй! Контент бүрийн гарчигт AI-ийн бичсэн товч тайлбар байгаа бөгөөд тухайн материал яагаад хэрэгтэй, хичээлдээ яаж ашиглах боломжтойг хэдхэн өгүүлбэрээр тодорхойлсон байдаг. Ингэснээр манай Медиа сангийн агуулгыг хялбараар үзэж, тохирох материалыг хайж цаг алдахгүйгээр хамгийн чухал зүйлдээ буюу хичээл заах болон сурагчдаа чиглүүлэхэд илүү их цаг гаргах боломжтой.
Энэ танд таалагдаж байна уу?
Та Mozaik-ийн онлайн платформ болох mozaWeb-тэй анх танилцаж байсан тэр мөчөө санаж байна уу? Таны анхаарлыг хамгийн их татсан зүйл юу байсан бэ? Ихэнх тохиолдолд хамгийн их сэтгэгдэл төрүүлдэг зүйл нь манай интерактив 3D үзэгдлүүд байдаг. Эдгээр үзэгдлүүд нь дүрслэлийн хувьд үнэхээр гайхалтай бөгөөд хичээл сургалтанд шууд ашиглах боломжтой юм.
Манай 3D загваруудыг сонирхон хэрэглэж эхэлсэн хүмүүс ихэвчлэн бусад интерактив сургалтын материалуудыг ч ашиглаж эхэлдэг: дижитал хичээл, видео, хэрэгсэл, тоглоом гэх мэт. Гэхдээ бидний зорилго зөвхөн ангийн хичээлд ашиглах сургалтын материал, хэрэгслээр хангах төдий биш юм. Бид сургалтын үйл ажиллагааны бүх үе шатыг дэмжсэн цогц сургалтын арга зүйн тогтолцоог боловсруулсан.
mozaWeb сургалтын менежментийн систем (LMS) нь өдөр тутмын хичээл сургалтанд бүрэн нийцсэн, бүлэгт суурилсан сургалтын орчныг багш нарт бүрдүүлж өгдөг.
Анги, Дугуйлан бүрд зориулсан цэгцтэй сургалтын орчин
mozaWeb-ийн “Бүлгүүд” функцийн тусламжтайгаар багш нар сурагчдаа анги эсвэл дугуйлангаар бүлэглэн, бүлэг бүрт тусдаа дижитал орчин бүрдүүлэх боломжтой. Ингэснээр хичээлээс гадуурх харилцаа, гэрийн даалгавар өгөх, сургалтын материалыг хуваалцах үйл явц илүү хялбар болдог. Бүлгийн гишүүд шаардлагатай бүх мэдээллийг нэг дороос авах боломжтой бөгөөд өмнө нь хуваалцсан материал, даалгавраа ч хялбархан эргэн харах боломжтой.
- mozaWeb платформ дээр бүртгэлтэй сурагчдыг тухайн анги эсвэл дугуйланд шууд нэмэх боломжтой.
- Бүртгэлгүй сурагчийг бүлэгт нэгдэхийг урих үед системээс и-мэйл мэдэгдэл илгээдэг.
- Мөн гурав дахь хувилбар нь багшийн хуваалцсан бүлэгт нэгдэх кодыг ашиглан сурагчид өөрсдөө нэгдэх боломжтой.
Хэрэглэгч бүр өөрийн профайлдаа сургууль, байгууллагаа заавал оруулахыг зөвлөж байна, ингэснээр mozaWeb LMS системийг ашиглахад илүү хялбар болж ирнэ.
Мэдэгдлийн Самбар (Noticeboard)
Бүлэг бүр нь харилцаа холбооны орон зай болох “Мэдэгдлийн самбар” (Noticeboard)-тай. Энэ хэсэгт багш нар:
- зар болон чухал мэдээллийг хуваалцах,
- даалгавар болон сургалтын материал нийтлэх,
- ажлын хуудас болон бусад нэмэлт материал оруулах,
- хэлэлцүүлэг эхлүүлэх,
- суралцагчдад асуулт асуух эсвэл даалгавар илгээх боломж олгох зэрэг үйлдлүүдийг хийх боломжтой.
Шаардлагатай тохиолдолд хосолсон болон зайнаас суралцах сургалтыг явуулж болно. Мөн бүлэг доторх видео хурал хэрэгслийн тусламжтайгаар суралцагчидтай шууд харилцах боломжтой.
Цуглуулга
Бүлэг бүр нь өөрийн “Цуглуулга” хавтастай. Энд багш нар дараах үйлдлүүдийг хийх боломжтой:
- mozaWeb Медиа сангаас тухайн бүлэгт хэрэгтэй контентуудыг цуглуулж, байршуулах,
- өөрсдийн дасгалын хуудас болон сургалтын материалуудыг байршуулах,
- тухайн бүлэгт зориулан бэлтгэсэн нэмэлт материалыг хадгалах
Ингэснээр хичээлд холбогдох бүх материалыг нэг дор цэгцтэй хадгалж, хайж олоход хялбар болгодог.
Гэрийн даалгавар болон шалгалт
Хэдхэн товшилтоор та интерактив гэрийн даалгаврыг бүлэгт эсвэл сурагч тус бүрд өгөх боломжтой. Дасгалын хуудас бэлтгэх хэд хэдэн аргууд бий.
Та бүхэн “Test Editor” буюу дасгал засварлагч хэрэгслийг аль хэдийн мэддэг байж магадгүй — эндээс олон төрлийн асуултын загвараас сонгон ашиглах боломжтой. Мөн илүү цэгцтэй, энгийн ажлын хуудас бэлтгэх эсвэл хиймэл оюун ухааныг ашиглан дасгалын хуудас бэлтгэх боломжтой. Бид энэхүү гурван аргыг туршиж үзэхийг зөвлөж байна. Бэлэн болсон дасгалын хуудсаа та хэвлэн авах боломжтой.
Сурагчид даалгавраа цахимаар илгээвэл үнэлгээ хийх үйл явц илүү хурдан, хялбар болдог. Сурагчдын бүх хариулт бүлэгт хадгалагддаг бөгөөд энэ нь багш нарт дараах боломжийг олгоно:
- даалгавар болон шалгалтыг үнэлэх
- өөрийн санал, зөвлөгөө өгөх
- сурагчдын ахиц дэвшлийг үр дүнтэй хянах
Google Classroom-тай нэгтгэх
Хэрэв та өмнө нь Google Classroom ашиглаж байсан бол өөрийн бүлгүүдийг mozaWeb руу зөөхийг хүсвэл mozaWeb-ийн 'Импорт' үйлдлийг ашиглан саадгүйгээр шилжүүлэх боломжтой.
Бүх зүйлийг нэг цэгээс
mozaWeb-ийн “Бүлгүүд” функцийн тусламжтайгаар тухайн ангид хамаарах бүх зүйлийг нэг дор төвлөрсөн байдлаар ашиглах боломжтой. Багш нар сургалтын материал хуваалцах, гэрийн даалгавар өгөх, сурагчдын ажлыг шалгах, санал хүсэлт өгөх, ахиц дэвшлийг хянах, мөн видео хурал хийх боломжтой. Ингэснээр цаг хэмнэж, үл ойлголцол үүсэхээс сэргийлж, мөн өдөр тутмын ажлыг илүү үр дүнтэй, цэгцтэй болгох боломж бүрдэнэ.
Бид танд энэхүү гайхалтай мэдээг хуваалцахдаа баяртай байна: mozaWeb нь Content Provider Solution буюу Контент нийлүүлэгчийн шийдэл ангилалд EdTech Cool Tool Award 2026 шагналыг хүртлээ!
Энэ шагнал бидний хувьд онцгой ач холбогдолтой бөгөөд бидний анхнаасаа баримталж ирсэн “боловсролын салбарт технологи нь сургалтын арга зүйг тэргүүнд тавих ёстой” гэсэн үндсэн зарчмыг бататгаж байна.
mozaWeb нь олон жилийн хөгжүүлэлтийн ажил болон дэлхийн өнцөг булан бүрт суугаа багш нартай хамтран ажилласны үр дүн юм. Та бүхний санал хүсэлт, дэмжлэгийн ачаар бид ерөнхий боловсролын бүх анги, бүх хичээлийг хамарсан 3D загвар, видео, интерактив хэрэгсэл, тоглоом, үнэлгээ, бүрэн дижитал хичээлүүдийг багтаасан тасралтгүй өсөн нэмэгдэж буй баялаг контентийн санг бүтээж чадлаа.
Бидний аяллын алхам бүрт хамт байсан түншүүд, багш нар, хэрэглэгч та бүхэндээ талархал илэрхийлье.
Бидэнд итгэл хүлээлгэж, үргэлж дэмждэгт баярлалаа!
Бид багшийн ажлыг хөнгөвчилж, суралцах үйл явцыг илүү үр дүнтэй болгохын төлөө тууштай, хариуцлагатайгаар үргэлжлүүлэн ажиллах болно.
EdTech Awards гэж юу вэ?
16 дахь жилдээ зохион байгуулагдаж буй EdTech Awards нь АНУ дахь боловсролын технологийн хамгийн нэр хүндтэй шагнал гардуулах ёслол юм.
Энэхүү шагнал нь боловсролын салбарын хамгийн нэр хүндтэй томоохон байгууллагууд болон дэлхийн өнцөг булан бүрээс шинээр тодрон гарч буй ирээдүйтэй залуу авьяастнуудыг онцлон шалгаруулдаг.
Уг шагнал нь боловсролын салбарын мэргэжилтнүүд болон тэдний бүтээсэн бүтээгдэхүүнүүдийг дараах гурван ангиллаар үнэлдэг:
- The EdTech Cool Tool Awards (Шилдэг технологийн шийдэл)
- The EdTech Leadership Awards (Салбарын манлайлагч)
- The EdTech Trendsetter Awards (Чиг хандлага тодорхойлогч)
Энэ жилийн шилдэг оролцогчдыг өмнөх жилүүдийн адил маш олон нэр дэвшигчдээс сонгон шалгаруулсан бөгөөд сургалтын арга зүйн тохиромжтой байдал, үр дүнтэй байдал, дэмжлэг туслалцаа, ойлгомжтой байдал, үнэ цэнэ, хөгжих боломж зэрэг шалгуур үзүүлэлтүүд дээр үндэслэн тодруулав. Шүүгчдийн бүрэлдэхүүн mozaWeb-ийг Cool Tool Award буюу шилдэг технологийн шийдлээр тодрууллаа.
EdTech Digest-ийн ерөнхий редактор Виктор Риверо хэлэхдээ:
“Энэ салбарын хамт олны хийж буй ажил нь боловсролын салбарын боломж, хүрээг тэлж, суралцах үйл явцыг бүх насны хүмүүст илүү хүртээмжтэй, илүү бодитой, илүү үр дүнтэй болгож байна. Ингэснээр тэд зөвхөн салбараа хөгжүүлээд зогсохгүй, түүнийг дахин тодорхойлоход хувь нэмэр оруулж байна.”
Дэлхий хурдацтай өөрчлөгдөж буй энэ үед дараагийн үеийг сайтар бэлтгэхийн тулд сургуулийн өдөр тутмын үйл ажиллагаанд хиймэл оюун ухааныг нэвтрүүлэх шаардлага улам бүр нэмэгдэж байна. Зарим хүмүүсийн хувьд энэ нь айдас төрүүлэм боловч зарим хүмүүст энэ нь мэргэжлийн чадвараа ахиулах сонирхолтой боломж юм.
Mozaik Education-д бид хиймэл оюун ухаан нь багш нарыг орлох бус, дэмжих туслагч байх ёстой гэдэгт итгэдэг. Бидний зорилго бол багш нараас цаг их шаарддаг, нэг хэвийн давтагддаг ажлуудад зарцуулдаг цагийг багасгах практик хэрэгслүүдийг бий болгож, тэдэнд үнэхээр чухал зүйлдээ — заах, урамшуулах, суралцагчдаа дэмжихэд —анхаарлаа төвлөрүүлэх боломжийг олгох явдал юм. Ингэснээр хиймэл оюун ухаан нь болгоомжлох зүйл бус, харин бидний найз, түнш болж чадна.
Бидний шинэ хэрэгсэл болох Даалгавар үүсгэгч шидтэн нь бидний туршлагаас үзэхэд хамгийн их эргэлзэж байсан багш нарын ч бодлыг өөрчилж чадсан. Та тэдний нэг үү? Тэгвэл та шинэ зүйл суралцах зөв газартаа ирлээ. Та аль хэдийн хиймэл оюун ухааныг идэвхтэй ашигладаг хүн үү? Энд та хиймэл оюун ухааны зааврыг улам сайжруулахад туслах зүйлсийг олох болно.
AI-г үр дүнтэй ашиглах нь зөв зааварчилгаа өгөхөөс шалтгаалдаг. Даалгавар үүсгэгч шидтэнээр дасгалын хуудас бэлтгэхэд алхам бүрт тань туслах зааврыг танилцуулж байна:
1. Эхний шийдвэр бол дасгалын хуудсыг дадлага хийлгэхээр үү эсвэл шалгалт авахаар үү гэдгээ тодорхойлох явдал юм.
2. Дасгалын тоог сонгож, 9 өөр дасгалын төрлүүдээс сонголт хийх боломжтой.
3. Тохирох хүндрэлийн түвшинг сонгоно уу.
- Суурь тавих - Санах ойг сайжруулах болон эргэн санах
- Ойлгох - Үндсэн ойлголт
- Хэрэгжүүлэх - Амьдрал дээрх хэрэглээ
- Шинжилгээ - Илүү гүнзгийгээр ойлгож авах
- Синтез - Шинжилгээ ба Зохион Бүтээлт
4. Хэрвээ танай улсын сургалтын хөтөлбөр манай системд орсон бол та хөтөлбөрийг сонгон илүү оновчтой үр дүнг авах боломжтой.
5. Нэмэлт зааврыг бичиж оруулах боломжтой.
6. Түүнчлэн манай медиа сангаас хүссэн материалаа (3D үзэгдэл, видео, дижитал хичээл гэх мэт) сонгох, эсвэл PDF файл байршуулах боломжтой — дасгалууд нь сонгосон агуулга дээр үндэслэн үүсгэгдэнэ.
7. Хамгийн сонирхолтой зүйлийг сүүлд нь дурдахад: таны ашиглаж буй сурах бичиг манай системд байгаа бол та шалгалтанд оруулах дурын хуудсуудыг сонгож дасгалын хуудсыг үүсгэх боломжтой.
8. "Үүсгэх" товчийг дараад дасгалын хуудас бэлэн болсон гэсэн үг биш юм! Сүүлчийн алхам нь маш чухал: AI-ийн үүсгэсэн агуулгыг заавал шалгаарай. Хэлний загварууд төгс биш учраас анхааралтай хянах шаардлагатай. Харандаа дүрс дээр дарж асуулт болон хариултыг засах боломжтой. Шаардлагатай өөрчлөлтийг хийсний дараа засваруудаа хадгалаарай — мөн дасгалын хуудсыг бас хадгалахаа бүү мартаарай.
Та энэ боломжийг сонирхож байна уу? Тэгвэл өнөөдөр туршаад үзээрэй! Mozaweb бүртгэлээрээ нэвтэрч, Mozaik Teacher эсвэл mozaBook Classroom лицензтэй эсэхээ шалгаарай. Үүсгэсэн дасгалын хуудсууд тань "Цуглуулга" хэсэгт хадгалагдана. Дараа нь хялбархан олж ашиглахын тулд тохирох цуглуулгад хадгалахаа бүү мартаарай.
Амжилт хүсье!